ლაივ ტრანსლაციის დაცვა: ვინ, სად და როდის ხედავს კამერას

სამი რეჟიმი: საჯარო, პაროლით, ელფოსტით

ყოველ ტრანსლაციას აქვს წვდომის რეჟიმი. ის ერთხელ ირჩევა და შემდეგ ნებისმიერ დროს იცვლება — ჩასაშენებელი კოდის შეცვლა არ სჭირდება. აირჩიეთ ის, რაც კამერის დანიშნულებას შეესაბამება:

დაშვებული დომენები: კოდი მხოლოდ თქვენს საიტზე იმუშავებს

ჩასაშენებელი კოდის კოპირება ნებისმიერს შეუძლია — საკმარისია თქვენი საიტის წყარო გახსნას. რომ სხვამ თავის საიტზე არ ჩასვას თქვენი კამერა, ტრანსლაციის პარამეტრებში ჩაწერეთ დაშვებული დომენები, მაგალითად example.ge და www.example.ge. სერვერი ბრაუზერს frame-ancestors სათაურით ეუბნება, რომელ საიტებზე შეიძლება პლეერის ჩვენება, და ყველა სხვა საიტზე ბრაუზერი მას უბრალოდ არ ჩატვირთავს. ეს დაცვა ბრაუზერის დონეზე მუშაობს — მას სხვისი საიტის კოდი ვერ გვერდს აუვლის.

• ჩაწერეთ ყველა მისამართი, რომლითაც საიტი იხსნება: www-ით და მის გარეშე, ასევე ქვედომენები, მაგ. booking.example.ge.
• თუ საიტის სატესტო ასლი გაქვთ, ისიც დაამატეთ, თორემ იქ პლეერი არ გამოჩნდება.
• დომენების სია ჩაშენებას ზღუდავს. პირდაპირი ბმული, თუ მას ცალკე აზიარებთ, ნებისმიერ ბრაუზერში გაიხსნება — ამიტომ თუ ბმულით მხოლოდ კონკრეტულმა ადამიანებმა უნდა უყურონ, გამოიყენეთ პაროლის ან ელფოსტის რეჟიმი.

როგორ ჩასვათ პლეერი საიტზე, იხ. კამერის ჩასმა საიტზე, ხოლო WordPress-ზე — WordPress დანამატი.

ნახვის საათები

განრიგით ტრანსლაცია მხოლოდ მითითებულ საათებშია ხელმისაწვდომი: მაგალითად, რესტორნის ტერასა 10:00-დან 23:00-მდე, ან მშენებლობა მხოლოდ სამუშაო დღის განმავლობაში, როცა იქ მუშები და ტექნიკაა. აირჩიეთ დროის სარტყელი (საქართველოში UTC+4, საზაფხულო დროზე გადასვლის გარეშე), მიუთითეთ დასაწყისი და დასასრული. თუ დასრულების დრო დაწყებაზე ადრეა, განრიგი ღამეზე გადადის — მაგალითად 22:00–06:00. საათებს გარეთ ტრანსლაცია არ ჩანს, ჩასაშენებელი კოდი კი საიტზე უცვლელად რჩება.

ბმულის გაუქმება და განახლება

თუ ბმული ან ჩასაშენებელი კოდი იქ მოხვდა, სადაც არ უნდა — სოციალურ ქსელში, ფორუმზე, ყოფილი თანამშრომლის ტელეფონში — გააუქმეთ ან განაახლეთ ის დაშბორდიდან. ძველი ბმული მაშინვე წყვეტს მუშაობას. განახლების შემდეგ ახალი კოდი ან ბმული თქვენს საიტზე ჩასვით; WordPress-ში შორთკოდში id შეცვალეთ.

რას ვერ ხედავს მაყურებელი

• კამერის რეალურ IP მისამართს და პორტს. მაყურებლის ბრაუზერი ჩვენს სერვერს უკავშირდება, არა თქვენს კამერას. კამერიდან ერთ ნაკადს ჩვენ ვიღებთ და მაყურებლებს ჩვენივე სერვერიდან ვაწვდით.
• კამერის მომხმარებელსა და პაროლს. ისინი სერვერზე დაშიფრულად ინახება და ბრაუზერამდე არასდროს მიდის.
• მუდმივ ვიდეო მისამართს. ნახვის ტოკენი მოკლევადიანი და ხელმოწერილია: პლეერიდან ამოღებული ნაკადის მისამართი მალე ვადაგასული ხდება, ხოლო ხელით შეცვლილ ან გაყალბებულ ტოკენს სერვერი არ იღებს.

„ლაივი“ გადამრთველი — სასწრაფო გაჩერება

ყოველ კამერას დაშბორდში აქვს „ლაივი“ გადამრთველი. გამორთავთ — მიწოდება ჩერდება და ცვლილება მაყურებლებთან რამდენიმე წამში აისახება. ეს გამოგადგებათ, როცა კადრში ის ხვდება, რაც არ უნდა ჩანდეს: შეკეთება, ინციდენტი, კერძო ღონისძიება. ჩართვაც ერთი ღილაკია, ბმული და ჩასაშენებელი კოდი კი არ იცვლება.

კამერის მხარე: ეს თქვენზეა

ზემოთ ჩამოთვლილი ყველაფერი მაყურებლის მხარეს მუშაობს. კამერას კი ინტერნეტში თქვენ გაიყვანთ, ამიტომ ეს ხუთი წესი სავალდებულოა:

1. შექმენით კამერაზე ცალკე მომხმარებელი მხოლოდ ნახვის უფლებით და ის შეიყვანეთ დაშბორდში. admin არასდროს. სად იქმნება მომხმარებელი, ნახეთ მწარმოებლის ინსტრუქციაში: Hikvision, Dahua, Uniview.
2. შეცვალეთ ქარხნული პაროლები ყველა მომხმარებელზე, ჩამწერის ჩათვლით.
3. როუტერზე გადაამისამართეთ მხოლოდ RTSP პორტი (ჩვეულებრივ 554). კამერის ვებ-ინტერფეისის პორტები — 80, 443, 8000 — გარედან არ უნდა ჩანდეს. იხ. პორტის გადამისამართება.
4. განაახლეთ კამერისა და ჩამწერის პროგრამული უზრუნველყოფა (firmware) — ძველ ვერსიებში ცნობილი სისუსტეებია.
5. კამერის პაროლი არავის გაუგზავნოთ ჩატში ან მესენჯერში. ის მხოლოდ დაშბორდში შეიყვანეთ — იქ ის დაშიფრულად ინახება.